2015 jylǵy 24 sáýir, Astana qalasy
Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý qaǵıdalaryn bekitý týraly
«Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń 7-baby 1-tarmaǵynyń 17) tarmaqshasyna sáıkes buıyramyn:
1. Qosa berilip otyrǵan Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrligi Baılanys, aqparattandyrý jáne aqparat komıteti (S.S. Sarsenov):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin 10 jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıctrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á. Isekeshev.
Qazaqstan Respýblıkasy Investısııalar jáne damý mınıstriniń
2015 jylǵy 24 sáýirdegi № 489 buıryǵymen bekitilgen
Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý qaǵıdalary
1. Jalpy erejeler
1. Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý qaǵıdalary (budan ári - Qaǵıdalar) «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń 7-baby 1-tarmaǵynyń 17) tarmaqshasyna sáıkes ázirlendi jáne teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý tártibin aıqyndaıdy.
2. Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý jeke jáne zańdy tulǵalar (budan ári - úmitkerler) arasynda júzege asyrylady.
2. Konkýrsty ótkizý tártibi
3. Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý jónindegi konkýrs (budan ári - konkýrs) ótkizý arqyly júzege asyrylady. 4. Konkýrsqa qatysýǵa úmitkerlerdiń ótinimderin qaraýdy jáne jeńimpazdardy aıqyndaý jóninde usynymdar ázirleýdi Teleradıo habarlaryn taratýdy damytý máseleleri jónindegi komıssııa (budan ári - Komıssııa) júzege asyrady.
5. Komıssııanyń jumys organy bolyp tabylatyn ýákiletti organ konkýrsty ótkizýdiń uıymdastyrýshysy (budan ári - uıymdastyrýshy) retinde áreket etedi.
6. Konkýrsty ótkizý týraly sheshimdi ýákiletti organ qabyldaıdy.
7. Konkýrsty ótkizý týraly aqparattyq habarlama onyń ótkizilýine keminde kúntizbelik jıyrma kún qalǵanda buqaralyq aqparat quraldarynda jáne Qazaqstan Respýblıkasy Investısııalar jáne damý mınıstrliginiń www.mid.gov.kz ınternet-resýrsynda jarııalanady.
8. Aqparattyq habarlama mynadaı málimetterdi qamtıdy:
1) konkýrsty ótkizý ýaqyty, kúni men orny;
2) eldi mekenderdiń (aýmaqtyń) ataýyn kórsete otyryp, teleradıo habarlaryn taratý maqsaty úshin jıilikterdiń beldeýleri, radıojıilikter (radıojıilik arnalary) jáne olardy paıdalaný sharttary týraly málimetter;
3) Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý boıynsha konkýrsqa qatysýǵa ótinimderdi (budan ári – ótinim) qabyldaý jáne qujattardy alý orny, jıiliktiń naqty nomınalyn paıdalaný boıynsha tehnıkalyq, qarjylyq jáne ózge de talaptar jáne konkýrs týraly basqa da qosymsha aqparat, ótinimderdi qabyldaýdy bastaý men aıaqtaý merzimderin jáne konkýrsqa qatysý úshin qajetti qujattardyń tizbesi.
9. Konkýrsqa qatysýǵa ýaqtyly ótinim bergen jáne osy Qaǵıdalarǵa sáıkes rásimdelgen qujattardy tıisinshe usynǵan úmitkerler jiberiledi.
10. Úmitkerdiń konkýrsqa qatysýǵa bergen ótinimi onyń osy Qaǵıdalarda belgilengen jáne konkýrsty ótkizý týraly aqparattyq habarlamada jarııalanǵan sharttarda konkýrsqa qatysýǵa nıetin bildiredi.
11. Konkýrsqa qatysýǵa úmitkerler osy Qaǵıdalardyń kez kelgen tarmaǵy boıynsha uıymdastyrýshyǵa qajetti túsinikteme úshin júginedi.
12. Tirkelgen ótinim keri qaıtarylyp alynǵan jaǵdaıda, úmitker uıymdastyrýshyǵa jazbasha habarlama jiberedi.
13. Konkýrsqa qatysýǵa tapsyrys berýdi úmitkerdiń atynan áreket etýge onyń quqyǵyn kýálandyratyn tıisinshe rásimdelgen senimhatty kórsetý arqyly úmitkerdiń ókili júzege asyrady.
14. Konkýrs ótkizý týraly aqparattyq habarlamada kórsetilgen ótinimderdi qabyldaý merzimi aıaqtalǵannan keıin kelip túsken ótinimder men olarǵa qosa beriletin qujattar qabyldanbaıdy.
Sebepterin kórsete otyryp, ótinimdi qabyldaýdan bas tartý týraly belgini qujat qabyldaýdy júzege asyratyn tulǵa usynylǵan qujattarǵa qoıady.
15. Uıymdastyrýshy úmitkerlerdiń konkýrsqa qatysýǵa usynǵan ótinimderi men olarǵa qosa berilgen qujattardyń, sondaı-aq ótinim bergen tulǵalar men olar usynǵan qujattardyń mazmuny týraly qupııalylyqtyń saqtalýyn qamtamasyz etý jóninde sharalar qabyldaıdy.
16. Úmitker konkýrsqa qatysý úshin uıymdastyrýshyǵa osy Qaǵıdalardyń 1-qosymshaǵa sáıkes nysany boıynsha ótinim beredi.
17. О́tinimge osy Qaǵıdalardyń 2-qosymshaǵa sáıkes qujattardyń tizimi qosa beriledi.
18. Osy Qaǵıdalarǵa 1 jáne 2-qosymshalarda kórsetilgen qujattar tigilgen, betteri nómirlengen jáne sońǵy beti onyń qolymen jáne mórimen (jeke tulǵa úshin, eger bolsa) kýálandyrylǵan túrde mór basylǵan konvertte uıymdastyrýshynyń mekenjaıyna usynylady.
19. Komıssııa konkýrsty ótkizý týraly aqparattyq baǵdarlamada kórsetilgen merzimde jáne orynda úmitkerler men olardyń ókilderiniń qatysýymen ótinimder men basqa qujattar salynǵan konvertterdi ashady.
20. Uıymdastyrýshy konvertterdi ashý hattamasyn bes jumys kúni ishinde jasaıdy.
Konvertterdi ashý hattamasyna Komıssııa tóraǵasy, komıssııanyń qatysyp otyrǵan músheleri jáne hatshysy qol qoıady.
21. Komıssııa usynylǵan ótinimderdi qarap, konvert ashylǵan kúnnen bastap on jumys kúninen aspaıtyn merzimde konkýrs qorytyndysyn shyǵarady.
22. Úmitkerdiń jáne /nemese/ onyń ýákiletti ókiliniń Komıssııa otyrystaryna qatyspaýy sebebinen konkýrstyq ótinimdi qaıtarýǵa jol berilmeıdi.
23. Úmitkerlerdiń ótinimderin qaraý, sondaı-aq konkýrs jeńimpazyn aıqyndaý jóninde usynymdar ázirleý, konkýrsty ótkizý týraly aqparattyq habarlamada kórsetilgen teleradıo habarlaryn taratý maqsatyna úshin jıiliktiń, radıojıiliktiń, (radıojıilik arnalarynyń) árbir jolaǵy boıynsha júzege asyrylady.
24. Teleradıo habarlaryn taratý maqsaty úshin jıiliktiń, radıojıiliktiń (radıojıilik arnalarynyń) árbir jeke jolaǵyna konkýrsqa qatysýǵa keminde eki úmitker jiberiletin bolsa, ol ótkizildi dep esepteledi.
25. Konkýrs boıynsha sheshimder ashyq daýys berý arqyly qabyldanady jáne olarǵa qatysyp otyrǵan Komıssııa músheleriniń jalpy sanynyń kópshiligi daýys bergen bolsa, qabyldandy dep esepteledi. Daýystar teń bolǵan jaǵdaıda, tóraǵalyq etýshiniń daýsy sheshýshi bolyp esepteledi.
Komıssııa sheshim qabyldaıtyn kezde Hatshynyń daýys berýge quqyǵy joq.
26. Konkýrs boıynsha sheshim qabyldaý kezinde Komıssııa mynadaı ólshemderdi basshylyqqa alady:
qarjylyq usynystar (boljamdy qarjylandyrý kózderiniń bolýy, josparlanǵan shyǵyndar men kiristerdiń oń teńgerimi);
tehnıkalyq usynystar (halyqtyń basym bóligin qamtýǵa múmkindik beretin aqparattyq habarlamada kórsetilgen naqty jıilik nomınalyn paıdalaný jónindegi tehnıkalyq talaptarǵa sáıkes keletin jabdyqtyń bolýy);
shyǵarmashylyq usynystar (retranslıasııalanatyn tele-, radıoarnalardyń sany, olardyń taqyryptyq baǵytynyń áralýandyǵy).
27. Konkýrs qorytyndylary Komıssııa tóraǵasy men músheleri qol qoıatyn hattamamen resimdeledi. Eki jumys kúni ishinde konkýrs qorytyndalary týraly aqparattyq habarlama Qazaqstan Respýblıkasy Investısııalar jáne damý mınıstrliginiń www.mid.gov.kz ınternet-resýrsynda ornalastyrylady.
Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý qaǵıdalaryna 1-qosymsha
Nysan
Teleradıo habarlaryn taratýdy damytý máseleleri
jónindegi komıssııa tóraǵasyna
Teleradıo habarlaryn taratý maqsaty úshin jıilik beldeýlerin, radıojıilikterdi
(radıojıilik arnalaryn) bólý boıynsha konkýrsqa qatysýǵa ótinim
Jalpy málimetter: 1. Zańdy tulǵanyń tolyq ataýy/jeke tulǵanyń T.A.Á.A.
____________________________________________________________________
2. Zańdy mekenjaıy:__________________________________________________
3. Telefondardyń, faksterdiń nómirleri: _______________________________
_____________________________________________________________________
4. Konkýrstyq habarlandyrýǵa sáıkes paıdalaný josparlanǵan jıilik nomınaly:
___________________________________________________________________
5. Konkýrstyq habarlandyrýǵa sáıkes taratýshy stansııanyń qýaty, Vt:
____________________________________________________________________
6. Taratýshy stansııanyń ornatylý pýnkti _______________________________
_____________________________________
7. Josparlanǵan retranslıasııalanatyn telearnalar tizbesiniń ataýy _________
___________________________________________________________
8. Habar taratýǵa quqyq alý sátinen bastap qyzmet kórsetýdiń kepildik merzimi:
____________________________________________________________________
9. Tele-, radıoarnalarmen halyqty qamtýdyń josparlanǵan kólemi:
____________________________________________________________________
Qosa berilgen qujattar
1.______________________________________
2.______________________________________
3.______________________________________
Birinshi basshynyń/dara kásipkerdiń qoly
M.O. 201 ___ j. «___» _________
Teleradıo habarlaryn taratý maqsaty úshin jıilik beldeýlerin, radıojıilikterdi (radıojıilik arnalaryn) bólý qaǵıdalaryna 2-qosymsha
Qujattardyń tizimi
О́tinimge mynalar qosa beriledi:
1) mynadaı qujattardyń notarıaldy kýálandyrylǵan kóshirmeleri:
zańdy tulǵa úshin – memlekettik tirkeý (qaıta tirkeý) týraly kýálik* nemese anyqtama;
jeke tulǵa úshin – jeke basyn kýálandyratyn jáne kásipkerlik qyzmetpen aınalysýǵa quqyqty rastaıtyn qujattar;
2) tele-, radıoarnalardyń qamtý aımaǵynyń shekaralary túsirilgen jáne radıotaratý jabdyǵynyń ornatylǵan orny kórsetilgen boljamdy qyzmet kórsetý aýmaǵynyń jergilikti jeriniń kartasy;
3) mynadaı málimetter kórsetiletin túsindirme jazba:
televızııalyq sıgnaldyń (bir sóıleý, kóp sóıleý) dybystyq súıemeldeý túri;
tele-, radıoarnalardy taratý úshin josparlanatyn jabdyqtardyń bolýy, onyń sıpattamalary, jaı-kúıi jáne túri týraly aqparat;
bilikti tehnıkalyq personaldyń bolýy (dıplomdar men eńbek kitapshalarynyń kóshirmelerin qosa berip);
boljamdy qarjylandyrý kózderi, josparlanatyn shyǵyndar men kirister, jobanyń ótelý merzimi;
4) tele-, radıoarnalardy taratý standartynyń oryndalýy týraly mindettemeler;
5) arnanyń ortasha aqparattyq jyldamdyǵyn jáne josparlanatyn habar taratý sapasynyń standarttaryn ustap turý týraly mindettemeler;
6) teleradıo habarlaryn taratý jelisin uıymdastyrý nemese bir baǵdarlamalyq habar taratý shemasy;
7) spýtnıktik baılanys arnalary paıdalanylǵan jaǵdaıda qosymsha:
paıdalanylatyn jerdiń jasandy spýtnıkteriniń ataýy, ornalasqan jeri jáne tıesiligi (spýtnıktik operator), olardyń ornalasý núktesi, qyzmet kórsetý aımaǵy;
spýtnıktik operator bergen jelide paıdalanylatyn qabyldaǵysh-taratqysh spýtnıktik stansııalarynyń transmıssııalyq josparlarynyń kóshirmesi;
jıilikterdiń alatyn beldeýleri (paıdalanylatyn spýtnıktik resýrs mólsheri);
8) radıostansııalar úshin qosymsha shyǵarmashylyq usynystar:
radıoarnanyń habar taratý tory (keıingi aıǵa);
mynadaı málimetterdi qamtıtyn aqparat:
radıoarnanyń taqyryptyq baǵyttalýy;
habar taratýdyń tildik araqatynasy, memlekettik tildegi radıobaǵdarlamalardy taratý ýaqyty;
menshiktik radıobaǵdarlamalardyń, satyp alynatyn radıobaǵdarlamalar men retranslıasııalardyń araqatynasy.
Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady.
Buıryq Qazaqstan Respýblıkasynyń Ádilet mınıstrliginde 2015jylǵy 4 maýsymdaǵy Normatıvtik quqyqtyq kesimderdi memlekettik tirkeýdiń tizilimine № 11264 bolyp engizildi.